قلت اتصبّر

النفس عيت تقبل النوم والزاد
مما حصلي في زماني وجالي
صار الحزن في داخل القلب وقاد
دايم تناجيني هموم الليالي
من عقب ما فارقت أنا بنت الأجواد
الدمع من عيني على الخد سالي
حل الفراق وصرت أنا بهم وجهاد
من عقبها والله عليم بحالي
بنت عفيفة ما مشت درب الأنقاد
على النقاء تمشي ولا به جدالي
القلب في غيابك مع الحزن ميعاد
متى يجي شوفك ويرتاح بالي
قلت أتصبر لكن الصبر ما فاد
ويا طول صبري يا حسين الدلالي