من تعلّم حرفةٍ زانت حياته شف نتيجة حرفة البشت الحساوي

شُوف اجود واجمل انواع المشالح
واللي بها مختص من كل النواحي
وكِل ما تبغاه جاهز.. وصالح
ماهرٍ في رَفْي بِشتك بالافراحي
ملبوس اجدادٍ.. وفيها مصالح
بالريف او في نجد وَلَّا بالاسياحي
سعود عائش الحربي - جدة
من تعلّم حرفةٍ زانت حياته
شف نتيجة حرفة البشت الحساوي
المحل اللي بشوته مظهراته
بالجمال وصار لاحلى اللبس حاوي
شاقني شوفه وجازت لي صفاته
شجعوه بلبسكم خير الكساوي
شجعوه بلبسكم من منتجاته
من يفيد صْناعته ما هوب غاوي
محمد مقحم المقحم - الرياض
مهنه لها في داخل القلب مقدار
توارثوها اسلافنا وأيضا الجدودي
حياكة المشلح شغل يسحر الانظار
ماهي حسايف فيه دفع النقودي
الزي السعودي شاهده كل الاقطار
هيبه وشخصيه.. وكلٍّ شهودي
خالد بن ناصر المخيمر - روضة سدير
راعي البشوت اللي محله ولاراح
يصنع من افخمها لبس ومهابه
صنعة يدين اللي لهم كار وافراح
منظر مهيب يجذب اللي درابه
حمد عبدالله الوايلي - حوطة سدير
نرحب بمشاركاتكم الشِّعرية، وما تلتقطه عدساتكم
من الصور الهادفة والطريفة على إيميل الخزامى:
rb-khozama@alriyadh.com