إعداد - بكر هذال

علاقة الصقر والصقار
مِتجذِّره مِن قديم الوقت
والطير جاهز على المطيار
لو كان في صورته دقَّقت
الطير ياما يِسر انظار
ويفرحك في صيد لِه اشتقت
سعود عائش الحربي - جدة
الصقر في عينه علامات واسرار
سبحان من صور جماله وسوّاه
وان جا الفريسه له مخالب ومنقار
حتى طيور الجو تعجز تعداه
مثل السهم في عالي الجو لا طار
حتى الوكر فوق الشواهيق مرقاه
سليمان بن عبدالعزيز السنيدي - الرياض
يا طير في طلتك هيبه
كامل وبك زين الأوصاف
أوصاف حسنٍ بلا ريبه
وأحلف على طه والأعراف
تلفت نظر كل ريومه
لا صرت بين الغيوم نواف
عبدالله عبدالمحسن العبدالكريم- الرياض
واضح على الصقار مشبهر عيونه
والصقر مثله يرقب بشوفة الصيده
عينه تلاحظ ويوقت على هونه
ويهوز نفسه عليها لو كانت بعيده
طير الهدد اصيل واشقر ياللي تشوفونه
وينومس اللي قناه وفعله يزيده
حمد عبدالله الوايلي - حوطة سدير
أيام القنص يفرح بها كل قنّاص
يتعب على طيره ويفرح بشوفه
لا حلّق في جو السما تقل ايرباص
مابه ولا صيده على الارض تطوفه
يشفي غليل اللي على الخرب قصّاص
لا شاف زول الصيد مابه مروفه
احكم عليه بقبضةٍ كنها ماص
ومخالبه تمنكنت من وسط جوفه
خالد بن ناصر المخيمر - روضة سدير
هذي هي الدنيا لزوم نترافق
انتا صقر وانا صقر في الصحاري
نهوى بعَض ما نستطيع المفارق
لو افترقنا من يصيد الحباري
وشلون دربي مع دروبك توافق
أدري ولا أظنك عن السر داري
جمال ريشك يستحق الموايق
عليك وانتا فوق وكرك جواري
محمد مقحم المقحم - الرياض
الحر شاف له مجموعة حباري
من يد راعيه يبي فكة برقعه ويتحرا
ضاريٍ على صيد الحباري بالصحاري
يعجب الانظار هدته والطير حرا
صالح البشري
نرحب بمشاركاتكم الشِّعرية، وما تلتقطه عدساتكم
من الصور الهادفة والطريفة على إيميل الخزامى:
rb-khozama@alriyadh.com
صورة العدد السابق