اللغز وارد والمرامع قريبة الحل جاهية وللغز حلال

كتب لغز الأسبوع الماضي الشاعر: شجاع حمود بن رمال من الرياض والذي يقول:
بنت تذخر للامور الصعيبة
بنت تجيب رجال وتبلش رجال
اول ثلاث حروف مجد وهيبه
واول مع الرابع مع الخامس اقبال
وتوصل للحل الصحيح من ثلاثة وأربعين حلاً:
سلام يابن احمود يا نسل الابطال
اللغز وارد والمرامع قريبة
الحل جاهية وللغز حلال
لو تخفي المقصود حنا نجيبه
علي الرشيد - رياض الخبراء
حي الله اللي له علوم عجيبه
شجاع من اسمه له اقوال وافعال
ياظنتي اني قريب واجيبه
جاهية مذخورة عن الاشكال
عبدالله عايد المفضلي - الرياض
يالله ياللي عالم سر غيبه
ياواحد نرجيه في كل الاحوال
اللغز جزل والمرامع نصيبه
جاهية يبلى بها كل رجال
خالد بن ابراهيم المرشود - الشعبة
لغز قريته والملاوي صويبه
لغز قعدت ابحث عن الحل بالحال
والهقوة اني صبت راس الضريبه
جاهية شيوخ زحازيح وابطال
حاتم بن عبدالله الغريري - الشنان
لغز الأسبوع
كتب لغز الأسبوع المقبل الشاعر محمد مقحم المقحم من الرياض ويقول:
أنشدك عن حالٍ يحبّه كل شخص
ما دام توّه عنه يبحث ما لقاه
وإلى تهيّا ملّه وغاليه رخْص
لولا المخافة من تواقيعه نساه
مع ان بعض الناس واللي معه بِخْص
يمكن يحبِّه والمكاتِب هي هواه
نستقبل الحلول خلال «ثلاثة أيام»
من نشر اللغز على إيميل الصفحة:
rb-khozama@alriyadh.com