مرّيت لي رسم لنا فيه تذكار

الله من هَمّ ٍ بوسط الحشا ثار
هَمّ ٍ يعانقني وهَمّ ٍ ورايا
مرّيت لي رسمٍ لنا فيه تذكار
رسمٍ من الماضي بقى له بقايا
مريت أنشّد ويش من عقبنا صار
دهرى تقلّب ممتلي بالرزايا
نشدت عنه وقالوا البيت منهار
وِجْدَاره الشرفي رِمَته الغَمايا
باقي رسوم الساس بالطين أحجار
بيّن ولازالت رسْومُ وْسمَايا
وإلا القلِيب اللّي عن البيت بأمتار
تهدّمت تبني عليها السفايا
شعر: أحمد بن محمد سعد العضيدان