الحل حاتم وانت حاتم من اخيار واللغز محبوك بكل اقتداره

لغز الأسبوع
كتبه الصفحة الشاعر حاتم الغريري ويقول:
أنشدك عن رجل شهير مع الناس
ينسب لبنت ما رجعت في قراره
آخر حروفه كمل الشغل بقياس
وعكسه يجي مسموح واللغز اشاره
رابع مع الثاني مع الاول افلاس
واول مع الثاني ورابع بغاره
وقد توصل للحل:
سلام يا حاتم من القلب والراس
واللغز طيب في نباه أو مساره
الحل حاتم حايز كل نوماس
ينسب لطي وشهرته بالصداره
علي الرشيد - رياض الخبراء
حل اللغز يجي توافيق وإحساس
وِمْشارِكة اخوان باللغز وافكاره
الحل يا حاتم كِما اسمك بقرطاس
حاتِم ذبح جواده لخطَّاره
سعود عائش الحربي - جدة
يا مرحبا بعداد ما هب نسناس
باللغز واللي جاب لغز بشطاره
والحل حاتم وانت حاتم من اخيار
واللغز محبوك بكل اقتداره
قبلان الرمال - جبه
اللغز كايف مابه ايات لولاس
لغز ثمين وحابكه في مهاره
حاتم وله بالنايفه كل نوماس
بالموقده يا صاحبي شب ناره
صالح إبراهيم المرشود - الرياض
يا زين بعض الغاز ناس من الناس
والغاز اخرى ما تعل جباره
والحل رمز الجود من عهد دراس
حاتم كريم النفس بان اشتهاره
جزاع ناصر المفضلي - حايل
حليت لغزك يابعد كل هلاس
واتعبني التفكير تاره وتاره
ولقيت حله عبر وكالته واس
حاتم كريم الكف لضيفه وجاره
متعب التريباني - الرياض
لغز الأسبوع
كتبه للصفحة الشاعر صالح عبدالله الزرير التميمي
من الرس ويقول:
ألا ياويش بنتينٍ لهن مجموعة عيالي
عددهم يالربع خمسة عشر والقول مشهودي
ثمان لبنت والأخرى لها سبعه بلا جدالي
وبكتاب الرب والسنة جواب اللغز موجودي
نستقبل الحلول خلال «ثلاثة أيام»
من نشر اللغز على إيميل الصفحة:
rb-khozama@alriyadh.com