أدري انّه أمر واقع.. بَسّ ما ارضى بالرضوخ وأنت عارف طبع فيصل.. والسوالف كلّها أدري انّ الوقت ما هو دايماً مشمش وخوخ عقب ضحكات الليالي ذي سيوفه سلّها وكان قلبك فيه من طول النوى سبعة شروخ ذي معاليقي تناثر يوم رمشك تلّها وجت عصافير الأسي متْجاوزة كلّ الفخوخ هي تدلّ غْصون قلبي.. دون صبح يْدلّها الطبيعة يوم حزني كنّها أمّ الفروخ شاركتني لوعتي حتى بدمعة فُلّها وأنت جيت بْمأتم العاشق تراقص لك بجوخ! ما لقيت الاّ نهار الحزن!.. غصب تْفلّها! لا تظنّ انّي بعَد فرقاك لي راسٍ يدوخ عاش راسي.. وانت بتخلّي حياتي خلّها لو أعيش 2000 عام بْوحشتي في وسط كوخ ما بطيِّح قيمتي ل اهْل القصور وْظلّها والله انّي ف المبادي ما أزيد الاّ رسوخ غايتي عند الثريّا.. وْلي عزم ياصل لها وأبشر انّي لا أمير.. وْلا بشيخ مْن الشيوخ ولا شقيت بْذا السوالف دِقّها مع جلّها مير طبعي: ما اتبع المقفين.. ذا طبعي.. شموخ وأنت أدرى.. وْ "من عقد روس الحبال يْحلّها" فيصل الصاعدي
