مطرنا بفضل الله عسى الله يعم الخير

على ديرة أهل الخير دار السعودية
أقوله ما أملك لا نخله ولاش بعير
لكني أحب الخير من صادق النيّه
لا روّح من المنشا خياله وهل عصَير
وصوت الرعد والبرق للوبل ماريّه
هذيه بشاير خير والجو والله غير
يا زين التمشّي في الأراضي الطبيعية
يا زين المشي عقب المطر يصفي التفكير
والغدران بيْمينك ويسراك ممليّه
برفقة نشا ما كلّهم ما بهم تقصير
خفيفين الأنفس نارهم دايم حيه
على ما تيَسّر الغداء طلي و الا جفير
وعلى صالي الجمرات دلال بريّه
يحب المطر كل المخاليق حتى الطير
مع الجو يلعب كل صبح ٍ وعصريّه
شعر شبيب بن هذال الوندان السبيعي