يا زين شبة نار في أول الليل وقت الشتا والناس منها تدفّا

يا زين شب النَّار في جو برادي
وان حصل مجمار والنَّار حيّه
شاهي وقهوه والفال زادي
طرّف دلالك يا زبن الوليّه
مجلس عامر وراعيه ينادي
اقلطوا ياللي تبون الفال نيّه
مع سوالفهم علوم جدادي
موقع ماثور في صبح ومسيّه
حمد عبدالله الوايلي - حوطة سدير
يا زين شبّة نار في اوّل الليل
وقت الشتا والناس منها تدفّا
ومن حولها قرب جميع المعاميل
وخوّة قرومٍ للمراجل تشفّا
عبدالله بن عبود السهلي - الجبيله
مجلس سعودي يعجبك كل ما جيت
فيه الدلال الصفر والنَّار حيّه
نفرح بشوف الضيف ونقول حييت
يا مرحبا في كل وقتٍ وجيّه
من طبعنا زود الكرم داخل البيت
وفي خارجه ابشر تراحيب وتحيّه
خالد بن ناصر المخيمر - روضة سدير
مجلس رجال الطيب ووجار وقّاد
فيه الكرم فيه الوفاء ووسعة البال
ياناس شوفوا وجار من عصر الأجداد
أجدادنا تاريخينا أجيال .. وأجيال
سالم الدوسري - الرياض
نرحب بمشاركاتكم الشِّعرية، وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
صورة العدد السابق