ثلاث مع تسعين ياموطن الخير في ظل سلمان ارغدي يابلادي

بمناسبة ذكرى يوم الوطن 93 طرح معد زاوية بيت وصدى عادي بن رمال هذا البيت:
ثلاث مع تسعين ياموطن الخير
في ظل سلمان ارغدي يابلادي
وهذا صدى بيت اليوم الوطني:
أمن او امان ولا وجد فيه تقصير
ما ينذكربالمدن وايضا البوادي
شعب امتلاحم في معزة وتقدير
بالفخر كل في مكانه ينادي
ابوفهد قاد السفينة بتدبير
وايضا ولي العهد كعم المعادي
علي الرشيد - رياض الخبراء
هلَّيْت يالثالث وتسعين بالخير
يومٍ مِن ايام الوطن والعيادي
في عهد سلمان الذي احْسن السَّير
واوصل بلدنا للتَّقَدم وزادي
وحِنا معه كبيرنا والتباشير
بارواحنا وقلوبنا والايادي
ويالله ياللي في يديك التدابير
أيامنا دايم سعاد وجدادي
سعود عائش الحربي- جده
يحفظك ربي عالم كل تدبير
كلمة ضمير ما يكنه فؤادي
ياموطني خيرك ضفى صغير وكبير
سُوَر الخليج الدرع علم وكادي
الشعب كله صف واحدٍ مغاوير
موتو كمد في غيظكم يا لاعادي
صالح محمد البشري - الرياض
ياربنا ياعالمن كل مايصير
ياسامعن ذا النون يومه ينادي
تحفظ بلدنا من جميع المقادير
من النفوس الخايبه والاعادي
سلمان سلمان الحزم والتباشير
في حكمه الافراح شي اعتيادي
عبدالله بن عبود السهلي _ الجبيله
تسعين زودنا ثلاثه على السير
والشعب ينعم في شرَابه و زادي
الخير واصل لاكبر الشعب وصغير
من فضل ربي واصلين المرادي
و الله بخلقه يابن عادي نوى خير
سنين مرّت بالكرم في بلادي
و ملوكنا ضد المعادي مغاوير
بطايرات الحرب صيف و برادي
محمد عبدالله الشهري- جبل اثرب
ياموطني نهواك من دون تبربر
ياعزنا يافخرنا والعمادي
مرت ثلاث بعد تسعين تعمير
يوم بيوم والرخا بازديادي
امن وامان ونعمة ياولد غير
وحضارة يشار له بالايادي
خالد ابراهيم المرشود - الرياض
يوم الوطن فرحه وعز واسارير
تذكير بالوحده وصف الايادي
في ظل عاهلنا على المجد والخير
والنايب محمد كعام المعادي
وافين لك ياموطني والوفا غير
ونفدي ترابك كان خان المعادي
علي مونس الجدي - الرياض
يالله ياللي بيدك الشر والخير
احفظ بحفظك يا الاهي بلادي
ياموطن التوحيد نهواك ونغير
عليك يادار السعد والسدادي
ياموطني للمجد ماضين ونسير
في ظل سلمان ومحمد وكادي
حاتم عبدالله الشاهر - الرياض