الساعه اللي مِدْبكه طول الازمان ساعه تعشى والزمن له طراته

كتب لغز الأسبوع الماضي الشاعر شوفان إبراهيم العجيمي من الرس والذي يقول:
بنت قديمه تصدق وتكذب احيان
الى شبعت تصدق وهذي سواته
وتكذب الا جاعت على مر الازمان
عجل وهات الحل يالذيب هاته
وكانت الحلول:
لغزٍ ينشِّط جعل راعيه ماهان
في صفحةٍ راع المعاني مُناتِه
الساعه اللي مِدْبكه طول الازمان
ساعه تعشى والزمن له طراته
ذي رمعتي للغز والحل يافلان
مِن ضمن مَن بالحل يبعث ابياته
سعود عائش الحربي - جدة
ياحي ابوابراهيم واللغز مليان
لو ان عصر اللغز باقي رفاته
ساعة صليب كانت بيد شيبان
واليوم روح وقتها ياحلاته
علي مونس بن جدي - الرياض
حي الله اللي جاب له لغز بطران
لغز يذكرنا بماضي دهاته
ساعه قديمه مع مطاليق شجعان
والله يرحم من تقدم وفاته
خالد إبراهيم المرشود - الرياض
يارب يامعبود يامدبر الشان
ياواحد كل ترجى عطاته
ارحم بعفوك شايب بين جدران
مازال يلبس ساعته مع عباته
علي البداح - الرياض
خذ رمعتي بارود واللغز نيشان
ووقت مضى ياربع ما احلى طراته
والحل دوك اياه يالقرم شوفان
ساعة صليب وكل عمر وحلاته
حاتم الغريري - الشنان
الله من ذكرى لها القلب ولهان
لغز الخزامي جعل تبطي حياته
ذكرني بساعة طليقين الايمان
اللي تعشى لاجل يمشن بناته
صالح مطير الحمدان - حايل
لغز الأسبوع
كتبه للصفحة الشاعر منير مذكر متعب العضياني ويقول:
ياويش ورعن غربب الشكل لا شفته
محدن كشف سره الخافي ولا شافه
سره أبجوفه مايضهر غير لا حفته
ببوه وأمه هي اللي تضهر اوصافه
نستقبل الحلول خلال "ثلاثة أيام" من نشر اللغز على إيميل الصفحة:
rb-khozama@alriyadh.com