كتب بيت الأسبوع الماضي الشاعر علي السريعي والذي يقول: محتاج لي دكتور مبدع وجراح يكشف على قلب تزايد صوابه وكان الصدى من الشعراء كما عودونا على إبداعهم: خلك من الدكتور والبنج ي صاح واقرب من اللي حط فيك الاصابه عبدالعزيز الصقيري بعض العلوم احيان تحتاج سباح يقيس عمق الجم ويجيب مابه محمد الثويني دكتورك اللي صابك اليوم مرتاح يبيك تذكر جرح سهمه نيابه محمد الحمدان وعلوم بعض احيان تحتاج قداح يقدم ولا يخشى العنا والمهابه صقر الغالب جرح الهواء ماينفعه طب جراح ولاهو من اللي بالمدارس قرابه فالح الهمزاني هذا صواب العطر والعطر فواح يجرح قلوب وقلب رايح نهابه مالك دوا لو كان كثرت بصياح ارفق بحالك وانتبه من عذابه خل المقفي في طريقه ولو راح ولاتطرد اللي ساري في سرابه لاواهني من نام خالي ومرتاح حافظ على عمره وركد شبابه حمد عبدالله الوايلي - حوطة سدير تحتاج لك غرو صغير ٍومزاح أدعج غنج ضد المرض والكآبه خالد أباقرين - رفحا ان طعتني خلك على نهج الاصلاح حافظ على هدي النبي والصحابه نداء بن زويمل عزي لمنهو بالهوا ياعلي طاح مجنون ليلى قد قرينا ،، جوابه جايز الصقيري باسم الذي ذكره على الهم ينزاح الرعد سبَّح به والانفس تهابه تفتح مغاليق عيت كل مفتاح وتعيد للقلب المشيِّب شبابه مابه جهد شايل سنينه ولاارتاح والصبر زاده في ذهاب وإيابه تلحق بقايا عمر ينظر للافراح على رجى تطرق بتاليه بابه عبدالعزيز بن سعيد المالكي ياعلي وش سويت في بعض الارواح اثر المواجع كل ابوها تشابه حسين لافي الحسيني عزالله اني من هوى البيض مرتاح قدام اشوف اللي عليها رحابه تلعب بقلبي لعب شاعر بمسباح في ساحة الشعار كل ٍ يهابه بنت الشرف فالمملكه تلبس وشاح بالعز والهيبه لها كل جابه مشعل بن صنت العصيمي/الخرج جرح الهواء ما يعالجه كل جراح ما يعالجه ياكود مزة عذابه عويد الشريهي نركض وراهم ماحسبنا للأرباح والربح يكفينا ولو هو نهابه صلفيق الخريصي يصرف لي مغذي من الشهد ياساح كانه يبي جزل الاجر والمثابه خلف العجلان - حايل لا يا علي قبلك خذا القلب من راح يلعب بقلبي مثل لعب الربابه غض النهد ضاف الجعد زين الارياح واحد وكن اللي بلوني عصابه باني العضاض - حائل يابو طلال اركب على الريل ياراح واترك عذاب القلب واللي حكابه عتيق الخاتم انا لقيت الدكتره والوجع راح على ظهر بوينق عالي جنابه فلاي ناس .. كاسبة كل .. الامداح ودكتورة اختصاص حظي حضابه إبراهيم الصفوقي الله قادر يعكس الظيم بافراح يستانس القاصي و منهو قرابه يابن السريعي وانت ضاوي وسراح اطلب جليل الملك راع المهابه وتلقى الدواء والطيب عن كل الجراح و تعيش في عال القمم كالذيابه محمد عبدالله الشهري - جبل أثرب بيت الأسبوع كتب بيت الأسبوع للصفحة الشاعر عيسى الشلاحي من الرياض ويقول: لا اسقطت فرضك لا تضيق على الناس الحج يكفي مرة فالحياتي نستقبل صدى هذا البيت بأربع أبيات خلال أربعة أيام من نشر البيت على إيميل الصفحة: [email protected]
