يوم الوطن ماهوب يوم وننساه يوم الوطن طول السنه نفتخر فيه هذا وطنا اللي به الخير عشناه وبغالي الأنفس والأموال نفديه هذا وطنا اللي من أدناه لأقصاه في حاضره نفخر ونفخر بماضيه هذا وطنا اللي به العز عشناه ولا نستحقه كان حنا ما نحميه يوم إن أبو تركي بسيفه وشلفاه وبا النيه الزينه وعز يباريه وحّد بلاده عقب ما شتت عداه وحكم بشرع الله وأسس مباديه أسس لنا موطن كثار مزاياه ورحل عقب ما شاف شامخ مبانيه فضله ومعروفه علينا حفظناه وندعي له الله كل فرض نصليه الله يوسع له ويغفر خطاياه وعلى الذي سواه بالخير يجزيه ومن عقبه أشباله مشو مثل ممشاه والكل منهم طيبات مساعيه سعود ثم فيصل وخالد عرفناه ثم الفهد من بالسياسه يباريه ثم أبو متعب طيب الله ذكراه يا طيب أبو متعب ليا حل طاريه واليوم حنا بحكم من طاب مسعاه من مثل سلمان الحزم من يجاريه بالحزم سيف هامه الشر تخشاه وبالجود كن الجود ينبع من يديه عدو حزمه شايل داه برداه عدو حزمه مَن مِن السيف ينجيه وولي عهده تفعل الخير يمناه من مثل أبو سلمان ربي يخليه شعبه يحبه حب ويحب طرياه وهو بعد يحب شعبه ويغليه له رؤية منها السعد شع بضياه تفرح محبينه وتقهر معاديه ومن زاد في غيه ووقته مارباه بيمنى (محمد) سيف حزم يربيه ولي عهد المملكه لا عدمناه يا بعد نظراته وما أبعد هقاويه وعاش الوطن والله يحفظه ويرعاه في ظل حكام على العز تبنيه عطاالله بن سليمان العطاالله
