سبعٍ سمان وكلها خير وإحسان

في حكم من ذلل جميع الصعايب
صحرا الضما خليتها لون بستان
بمدٍ غزير لكل الاقطار صايب
سلمان ياتاجٍ على رأس الاوطان
الله يجيرك من جميع النوايب
لا مايلام الشعب في حب سلمان
أمن وأمان ورغْد عيشٍ أطايب
خليت دارك كلها خير واجنان
ومن حولنا العالم سعير ولهايب
نقولها نحبك من احساس بلسان
واحد يرددها شبابٍ وشايب
ولاءنا ماهو بمحتاج برهان
ولاء فطري من عظيم الوهايب
وندعي لك الله دوم في سر واعلان
يحفظك من بامره تسير الهبايب
حصنتنا من كل مغرض وعدوان
وبحكمتك جنبت عنا مصايب
وقطعت دابر كل مفسد وخوّان
وعوّد عدوّ الدار مدحور خايب
يشهدلنا ياسيدي كل ميدان
وقت اللزم شعبك جنود وكتايب
عدونا خسران من هو ومن كان
وأرواحنا للموت دونك جلايب