كتب بيت الأسبوع الماضي الشاعر سعود عائش الحربي من جدة، الذي يقول: من لا جمع في شبابه شَيْ لا شاب الايَّامْ يعصنه وكان صدى البيت من الشعراء: اعمل وكافح مدامك حي يجزاك مولاك بالجنة ابعد عن الشين حيثه سي خلك مع الحق والسنه من خان دينه جزاه بغي موسوس ابليس خف منه علي الرشيد - رياض الخبراء كم وحداً قال حظي سي عيين ظروفه يطيعنه وده يسوى مادامه حى لاكن الايام خاننه لوهى على الكيف سوى شي شكواه للى له المنه انا زمانى كوانى كى بس اخفي الجرح واكنه سعد صنهات السهلي - الدرعية خذ من شبابك لشيبك شي ومجلس هل الذل قم عنه ياويل من شاب ما له شي شموس الايام يصلنه لو كان بالبنك يوجد شي ماخاب فيما تعب ظنه محمد عبدالله الشهري - رجال ألمع عسير يغنم زمانه مدامه حي ويترك دروبن يلهّنّه ولا يضيع وقتك بروح وجي وحافظ على الدين والسنّه ولاتطاوع اللي مشوا بالسي اللي بهاهنّه وونّه محمد بن عبد العزيز الخنيفر - أشيقر دنياك ماتنفعك ياخي كم من نفوسن يغرنّه والحرص واجب ولاتخطي واترك دروبن بها ظنّه وابعد عن اللي مشى بالغي البعد مطلب ترى عنّه ريان بن محمد الخنيفر - أشيقر يالعمر طي اليالي طي والأدمي مخلف ظنه يبقى طموحه مادامه حي ويروح عساه للجنه يحسب زمانه عليه الفي عنده امل في صغرسنه طول الأمد له يعطي الغي والى كبر تسمع الونه حمد عبدالله الوايلي - حوطة سدير سود الليالي طونه طيّ مع تالي العمر يطونه اقفى شبابه وحظه سي وكل المراجل تعدنه وان تاب لله مدامه حيّ من الولي يطلب الجنه زبن مقبل العنزي - بريدة الله كتب رزق كل الحي واللي كتب ما لحد عنه خلقت بدنيا مامعيه شي قد قالها الشاعر بفنه دنياك ذي مثل مايل في قيل بها طاوي الشنه شجعان العتيبي - الرياض بيت الأسبوع طرح بيت الأسبوع الشاعر حمد عبدالله الوايلي من حوطة سدير، ويقول: يا وحشة الدنيا اذا صرت مشتاق شوق المريض الي يدور علاجه نستقبل صدى هذا البيت بهذه المناسبة خلال أربعة أيام من نشر البيت على إيميل الصفحة: [email protected]
