بيت وصدى

كان بيت الأسبوع الماضي الشاعر محمد بن عبدالعزيز الخنيفر من أشيقر حول خطورة التعصب الرياضي وآثاره ويقول:
شبابنا والتعصب والسبب كورة
ياشينها عادة بانت مواريها
اشوف ناسن اتشجع بس مقهوره
اسمع صدى صوتها والناس توحيها
كم واحدن بالملاعب يفقد اشعوره
ياناس هذى جهاله وش انسميها
هذى حركات يا رجال محذوره
ولي يجي حولها يمكن وقع فيها
سعد صنهات السهلي - الدرعية
شفناه يا صاحبي بالصوت والصوره
ماعد الا تتطاعن في شباريها
الروح مطلب وكلن عارف دوره
والعقل نعمه الى فتح بصاريها
وابيك تفهم يامشجع وتقبل الشوره
ترى الثقافه تبين لك حظا ريها
حمد عبدالله الوايلي - حوطة سدير
الحلم مطلب وخلوا الشر وجذوره
يا زين الأخلاق ويا ما أحسن مماشيها
البيت ما به نفوسن دوم مسرورة
من أجل كورة تشوف الشر معميها
وسط الملاعب به الجهال ممرورة
ما بينهم شيل وحط وذي مساويها
ريان محمد الخنيفر - الرياض
شجع فريقك وخل النفس مسرورة
والخاسر يقوم للفايز يهنيها
ياكيف كورة تخلي الناس مقهورة
نار التعصب نبي كلٍ يطفيها
إحذر من اللي يقال أفعال محظورة
وأخلاقنا ترتقي وكلٍ يعليها
عثمان ابراهيم الرشيد - الرياض
يكتب على سورنا ونكتب على سوره
هذي ساس الجهالة من يداويها
لا ياشباب الفخر والعز مذخوره
انتم رجال على العليا مناويها
فريق اخذ دوره وفريق اخذ دوره
وباقي الفرق تاخذ ادوار بنواديها
شجعان بن سعود المقاطي - الرياض
الواجب إن المشجع يظهر سروره
يشكر شباب تكافح في مساعيها
يترك كلام يصد الشخص عن دوره
يفقد شعوره وبعض الناس يوليها
ترى الرياضه مهيب بس للكورة
أنواع واجد على الانسان يبديها
علي رشيد الرشيد - رياض الخبراء
بيت الاسبوع
بمناسبة الذكرى التاسعة لتولي خادم الحرمين الشريفين الملك عبدالله بن عبدالعزيز ال سعود حفظه الله مقاليد الحكم ومبايعته التي تمت في قصر الحكم بالرياض ما يبين اهمية هذا الموقع التاريخي فقد طرح معد الزاوية هذا البيت:
في ست وعشرين سته ست وعشريني
كلن بقصر الحكم بايع لعبدالله
نستقبل صدى هذا البيت بأربعة أبيات فقط تدور حول
هذا الموضوع ويفضل الإرسال عبر الإيميل:
rb-khozama@alriyadh.com
أو على الفاكس 4871070/ 011
ونرحب بطرح بيت الأسبوع وهو من اختيار الشعراء
وفي اي موضوع يختاره الشاعر