أجمل أعيادي

في العام عيدين لكن اجمل اعيادي
عيدٍ حضرتي بها واكتملت الفرحه
وإلا ترى العيد في غيبتك شي عادي
وشلون اعيد وقلبي دامي جرحه
عيدك مبارك عسى ياغاية إمرادي
أيامك أعياد وانتِ دوم منشرحه
لا ماتكفي حرارة (حبك الهادي)
ودي بحبٍ عنيفٍ ينبني صرحه
يابنت لا تسالي عن يوم ميلادي
مايفيد في اللي مضى جمعه ولا طرحه
العمر توه معك يامنيتي بادي
وقصة فصول الغلا يطول بي شرحه
مبروك بن ماضي