الماء حياة الخلق من وجد مخلوق نعمة ورحمة في جميع المخاليق طيرين من حر الظمأ وردن بشوق ومن فوق عالي مهويات مطاليق وبروسهم غطن على حده الطوق تروي الكبود اللي شفاها مشافيق ياحرّها لاصرت ضامي ومحروق مثل الهيام اللي ضماها محاريق حمد عبدالله الوايلي - حوطة سدير بِجْهُودِ حكّامٍ تعَمّر بلدها تبني وترخص للوطن كل غالي يا مسرفٍ نفسك إلى الرشْد قدْها الماء ثمينٍ وانت بهْ ما تبالي حمامتينٍ ضيّعِ الْحَرْ جَهَدْها تروي ظماها بْشرْب مِيٍّ زلالي طاحتْ عليهِ إسْواةْ أم بْوَلدها ما صدّقَت تلقاه بين الرمالي ناصر جمعان آل عوض - وادي الدواسر الحر توّه منتصف يا أهل الارصاد والجو حامي والليالي قصيره طير الحمام اللي سجع فوق الاعواد يشكي العطش والنفس صارت حسيره حول على النقعه يبي برد الاكباد يسبح ويشرب ما حسب للذخيره خالد ناصر المخيمر - روضة سدير لا واهني أهل القلوب الحنونه لاجل البهايم لايجي منك تقصير الطير وغيره واجبٍ تسعفونه في كل موقع افزعوا ياهل الخير هذي بهيمه بحاجةٍ للمؤونه وانتم هل الطيبات رجالٍ مخابير يا فاعلين الخير لا تتركونه أجر وثواب مع تحايا وتقدير محمد عبدالعزيز الخنيفر - أشيقر حنّا بعز القيض يَالله السلامه والشجر والما لجا لِهْ كل حايم قرب الفرج تصبِّري يا يمامه يقفا اللهايب والظما حلو النسايم يا طير والله مَا عليكم ملامه شُح المطر والجو كله سمايم يالله عسى يا طير وبل الغمايم يخضر يباس العود بَحْلى النسايم سعود عائش الحربي - جدة جوز الحمام مسافر يم الأحباب في ديرة خلف البحر جوها نار العيد روّح والهواء صوب الانساب عجل يبي يلحق ترى العيد قد طار طب الغدير وكرع الماء بالاكعاب يملا الحواصل والبطن لين الأظفار عجل عسى يكفيه ياخذ بالأسباب يرجي من الله عون والرب ستّار يبغى يعايد من سلب حب الألباب ووده يعود لديرته قبل الاسحار عبدالكريم النغيمشي - لوذة ياهل القلوب الطيّبه والرحومه شوفوا حلول لاجل تنقذ حمامه الرحمة الرحمة ولاهي معدومه يا حيث بعض الناس قل اهتمامه واللي يقصر ضايع في سلومه ماله من التقدير وقل احترامه واللي سعى للخير تجلى همومه والكل يدعي رب حقق مرامه ريان محمد الخنيفر نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى: [email protected] صورة العدد السابق
