تفاخري يا دارنا بالسلاطين

سلمان ومحمد على أيمن ذراعه
أفعالهم بين الدول له براهين
وحنا لهم بالخير سمعٍ وطاعه
بهمة الرجال المخلصين الميامين
تبقى السفينه وافيه في شراعه
دام الهدف تحقيق رؤية ثلاثين
المجد يبقى ساطعٍ في شعاعه
والمملكة اعيالها دوم وافين
افعالهم ماهي بحاجة شفاعه
تشهد لنا ساحاتها والعناوين
ان كانها بالطيب والا شجاعه
حنا بادبنا والمواقف قويين
نبعد عن دروب الردى والجشاعه
حضر وبدو في منهج العز ماشين
حتى الصغير اللي بسن الرضاعه
مجالسٍ دايم تحث الصغيرين
متمسكينٍ بالقيم كل ساعه
متوارثين الطيب اول وهالحين
وعلى الاخوه والتكاتف جماعه
لعهودنا نوفي كرام وعزيزين
وعلى النقا نمشي بليا جزاعه
حنا لولاة الامر دايم مطيعين
وللارض نبقى حافظين الوداعه
ونذكر اذناب المجوس الرديين
باذن الاله اليوم قرب ضياعه
روس الغدر ندوسها والثعابين
واللي يعادينا تكاثر اوجاعه
شعب وحكومه للاوامر ملبين
بامر المليك اللي علينا استماعه
بارواحنا دون الوطن دوم مفدين
نرخص له الغالي بفعل وقناعه
ويبقى علمنا في جميع الميادين
بالمركز الاول طويل ارتفاعه