فوق الجبال وكاسيٍ جسمه احرام يطلب رضا ربه ويرجيه غفران

حجٍ مبارك جعله اليوم مقبول
يالله عسى من حج ربي يعينه
شفنا التعاون قام به كل مسؤول
واللي سعى مشكور تسلم يمينه
لأجل الحجيج الكل ساعي ومرسول
كله من أجل الحاج بنفسٍ حسينه
بأمر المليك الجهد شفناه مبذول
واللي وصل لبلادنا ما نهينه
محمد عبدالعزيز الخنيفر - أشيقر
في عشر ذي الحجه يباهي بها الله
بضيوفه اللي قْلوبهم تنبض إيمان
يرجون من رب المخاليق رحماه
توافدَوْا للحج من شتّى الأوطان
يا محرمٍ وجهت وجهك لمولاه
ترفع يدينك ترتجي منه غفران
أبشر إله الكون ما ردّ من جاه
ربك كريمٍ يجزي السيِّ بإحسان
ناصر جمعان آل عوض - وادي الدواسر
فوق الجبال وكاسيٍ جسمه احرام
يطلب رضا ربه ويرجيه غفران
يالله ياللي فارضٍ دين الإسلام
توفق الحجاج من كل الأوطان
لا زانت النيّه تلاشن الأوهام
وتفوز في جنات خلدٍ ورضوان
علي الرشيد - رياض الخبراء
فوق الجبل محرم وحاله خطيره
يا حاج هذي مملكة خير وإحسان
وانتم ضيوف الحق من كل ديره
أمن وأمان وكمل الفرض بإيمان
الحج فرض الله وخامس شعيره
بالك يصير الحج بدعات وأحزان
خلك مع الواجب وهو خير خيره
والحج له واجب وله كل الأركان
حمد عبدالله الوايلي - حوطة سدير
الله وأكبر كبروا يا هل الخير
وكلٍ يكبّر يا هلي في مكانه
ياللي نويت الحج من روضة سدير
ترجي رضىا ربك وترجي جنانه
على جبل عرفات من الفجر تكبير
لين الغروب يحل وتسمع أذانه
يالله عسى حجّاج بيته تياسير
في ظل حكم اللي يصون الأمانه
خالد ناصر المخيمر - روضة سدير
الحج مرَّة بقدرةواستطاعه
بالدِّين مفروض من رب السماوات
أحرم ولبّي وكبّر مخلص الطاعه
وبالمغفره ممتلي صدره قناعات
وبجوار صخرات مد الكف وذراعه
فوق الجبل علَّها تلقى إجابات
في موقفٍ للولي بالعمر ساعه
متأملٍ عودته بالعمر مرّات
سعود عائش الحربي - جدة
لا واهني من حج بيته وزاره
ياما من الخيرات والرزق يلقاه
يطلب ثواب الله محلا شعاره
وفي جيته ياما تحقق له مناه
الله من نفس لفا من دياره
جا من بعيد وحقق الله رجواه
يا مرحبا به والفخر في مساره
قدم لبيت الله يا زين ممشاه
ريان محمد الخنيفر - أشيقر
يدعي إله الكون ربي يجيره
من كل ذنبٍ صار في حال ندمان
في موقفٍ حار القدم ما يسيره
يا رب رحمه منك يا رب غفران
بشائر القحطاني - الرياض
نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
صورة العدد السابق