الله يقبل صيام اللّي مصلّينه

الوقت داهم وكلٍ تطرَخ أعلامه
ما شاف وش حط في كفّة موازينه
ياللّي تعدِّد ليال الشهر وأيامه
مافات قد فات مايمديك تحسِينه
الشهر نُوا الرحيل وجفّت أقلامه
والصحف طُوْيَت على جملة دواوينه
شهرٍ حُلوله قريبٍ من تصرّامه
الله يقبل صيام اللّي مصلّينه
اللّي خسر في صِيام الشهر وقْيامه
ما عاد ينفع ولو كثروا معزّينه
يارب تغفر لمن قامه ومن صامه
ما غيرك أحدٍ سجدنا له وراجينه
يالله تمحي ذنوب العبد وآثامه
تختم لنا الشهر بالغفران وتْعينه
شعر - محمد بن سماح الغيداني