يا طير ما تنشد يا طير

اطلعت على ما كتبته الأستاذة فاطمة البلوي في جريدة الرياض (خزامى الصحاري) يوم الخميس الموافق 16 جمادى الآخرة 1440، بعنوان (البو رضيع بلا روح) فذكرني هذا المقال بأبيات كتبتها منذ مدة طويلة ذكرت بأحد أبياتها (البو) وهي:
ياطير ماتنشد ياطير
بالجو مالاح لك خلي
ركب على اللي تشاد الطير
وتنحّر الجو متعلي
ياطير ماشفت خط السير
وين انتوا صاحبي قل لي
ليته حجز لي معه وأطير
ويصير معي مثل ظلي
من يوم قفى ماشفت الخير
أنام وأصحي على غلّي
واحنّ قلبي حنين الضير
بأرض الخلا بوهن خلّي
على حبيب بحبه غير
بالحب والود صافٍ لي
توه بسن الشباب صغير
عن الثلاثين مازلِ
ياناس يامن علي يشير
باللي خذا القلب ومولي
أنا أقدر انساه واستخير
وأتوب عن حبه أحسن لي
أنساه وأرمي غلاه ب بير
وعن حبه أصوم وأصلي
واخاف للمسأله تخدير
اصحي ليا ارقبت بالتلِ
أصل الغلا مايبي تبرير
لاحلّ بالقلب ماانحلِ
ياربِ اللي رزقت الطير
ترزقني الصبر عن خلي
واصبر كان الصبر لي به خير
واللي مع الصبر يحصل لي