غصن الغلا

متواجدٍ معكم وبالي يخّلْف الله
مقفي على فاله ياللي تنادونه
البال متكدر.. والقلب به علّه
سرى على همّه وانتم تلومونه
عن اذنكم يالربع ساري فمان الله
مايرجي المشحون انكْم تداوونه
غصن الغلا مايبّس عايش تحت ظلّه
رويان ما يكْسّر ياللي تهزوونه
متملكٍ قلبي كيف انه يملّه
يغليه ويحبه لو سهر جفونه
قلبي من الاشواق كنّه على ملّه
على اللي من الصبح مقفل تلفونه
ماهوب من طبعه ولابدر زلّه
مشتاق لعيونه جعلي فدا عيونه
كل ما يمر زوله تبدى بي الخلّه
مثل اليتيم اللي بأمه يعزونه
يابو عيون الريم ترى الجفا علّه
تعوذ من ابليس واللي يماشوونه
دام الغلا فنجال .. ومواصلك دلّه
قلبي لفاهم ضيف خلْهّم يقهوونه
عبدالله داود العصيمي
Your browser does not support the video tag.