خاين العشرة

يا خاين العشرة بكل القوانين
وبكل دين وكل مذهب ودستور
وبكل عادات العرب والمحبين
خاين وخاين ثم خاين ومغرور
أقولها واعيد عشرة وعشرين
واصيح في وجهك أنا منك مغدور
وانتَ تبرر فعل أشعل براكين
في جوف لك في داخله حب وقصور
وعذرك طعني طعن غافل بسكين
صارحتني باللي تمناه مشكور
تبغى الفراق وتنتظر وقته يحين
وعايش معي تمثيل من عدة شهور
هذا قرارك اتضح والله يعين
واسمع قراري علم لا يمكن يبور
روح مع اللي لاجله ارخصت غالين
ما انته كفو طبعك كذا تلف وتدور
وعندي على افعالك شهود وبراهين
لا تنكر الواقع ظهر كل مستور
واليوم لو آمَن جناب الثعابين
لا يمكن آثق فيك والقلب مكسور
ولا أقدر أسامح خاين العهد والدين
ماني على مثله من الناس مجبور
Your browser does not support the video tag.