عيد السعد عيد الفطر والبشاير

مبروك عيد الخير للي كسب فيه
وهني منهو صام والشهر زاير
فاز بجزاه وربي اليوم يعطيه
والله وعد خلقه وتبصر بصاير
أبشر بذنب كاين اليوم معفيه
والعتق من نار تلظى حشاير
والمغفره بعد العفو زود معطيه
مكاسب ما فيه فرصة خساير
الصفح عندالواحد الفرد يبديه
الي عليم يوم تخفي السراير
وتم الاجر والعمر حبله وبيديه
عيد الفرح عيدالتسامح زواير
وفي كل عام للمسلمين عيديه
يعود عيدك يا فتى وانت حاير
وكيف الزمان يمر لمحه ويمديه
ويفوت موسم لاتندم حساير
الرابح الي عارف الحق يهديه
منجيه من ساعه تزيد الكباير
وكم واحد مدفون ماعاد نرجيه
راح وتخلا عن جميع التجاير
ليته يقوم وينظر اللي حواليه
اللي يضيعون العمر بالهداير
ما فكروا في الآخره حين تفديه
Your browser does not support the video tag.