طحت من عيني

الصاحب اللي عن الزلات داريته
وقرانته بدم قلبي والشراييني
وبنيت بين الحنايا والحشا بيته
واسقيته من القراح العذب بيدني
باع الصداقه وفرح بي معاديته
من شان خاطر عيونن ماتداني
نسى جميلن بلا منات مديته
ونسى مواقيفي اللي تقضي الديني
ونسى يومني على العربان بديته
وغنيت في صحبته مسحوب وهجيني
واليوم ورتني الايام تاليته
ورتني الغطرسه والمذهب الشيني
وخلاني اصد عن دربه لامريته
ماكني اعرفه ولا كنه يعنيني
وحتى السلام اكرهه لامن تعديته
ماعاد غير المفارق بينه وبيني
نصحت عن صحبته لكن ماوحيته
اقول انا اعرف صحيبي من معاديني
ترى الردي لو يخاوني ماخاويته
هالدرس عن صحبتك يالنذل يكفيني
مهو بانا اللي تحايل كشف خافيته
وماهو بانا اللي تزعلني وترضيني
اذلف وانا ولد عودن مشتهر صيته
بين النشاما رفيقي يفتخر فيني
خيبت هقوه وضنن فيك ضنيته
انا اشهدنك بعدها طحت من عيني
Your browser does not support the video tag.