مشاعري وفرحتي

يسعدني أن أرحب بصاحب السمو الملكي الامير فيصل بن بندر بن عبدالعزيز أمير منطقة الرياض وأنتهزها فرصة لأوثق مشاعري وفرحتي بزيارته للمحافظة بهذه الأبيات المتواضعة:
أنا هاجني بعصير والورق نواحه
نسيم الهبوب اللي من السوط لاقاني
أظنه يحيي يومه يعط برياحه
بفيصل ولد بندر وتشتاق ريضاني
على جال مطعم والعصافير صداحة
تغني لفيصل من بديعات الألحاني
بتلقى هل الحوطه ترى دارهم باحه
بها للوفاء بعهودكم يأمير نيشاني
تذكرت والذكرى من الطيب فواحة
ويشهد على ما أقول الأقصين والداني
غزتنا زحول الروم والمرتمي ساحه
نتجمل بها عند أم عامر وسرحاني
علابيهم الأقفال والسيف مفتاحه
وسمر القنا تنهش بهم نهش ثعباني
عل جيفة الرومي ترى النسر بجناحه
وكنه يصلي فوقها دون قراني
كفيناه عن حومه وعن طول مسراحه
ولا نرتجي من ضيفة النسر شكراني
وفينا لأبو تركي معه جند بكفاحه
وقبله لجده ثم بعده للاخواني
اسعودن وفيصل ثم خالد بلا شاحه
وفهدن وعبدالله وذالحين سلماني
نحيي ولد بندر على الرحب والراحة
أمير الرياض اللي كما طير حوراني
تعلى بمرقابه وإيمانه سلاحه
يصون الوطن عن كل فاسد وخواني