تسلمْ يمين الليِّ اتلقح نخلْها ما تِنتظِر عامل ولا راعي النوم وإحجابها ما عطلّه عن عملْها ردّت على الليِّ حارب الدِّين وإسلوم والزوج أظِنه ما يدوِّر بدلْها وان ازعله من قدوة الطيب محروم فهد عقيل الطويان - بريدة اشوف خاله على النخله ما عندها احدٍ يساعدها بالمزرعه تغرس الشتله واضن ظروفه تعاندها تقطع وبارٍ على مهله ما تريد ناسٍ تساندها ماهمّها لبسة الدبله يومٍ غيره ايجاهدها خليف فهيد الحربي - الرياض يا ناس شوفوا بنات الرّيف بالغيط تفزع مع أبوها ما بين عسبان.. وبين الليف ما تسمع اللي ينادوها ما فيه راحه .. ولا تكييف بين النخل دايم يشوفوها عبدالكريم عبدالرحمن السلّوم - القرائن يا بنت لاتشقين نفسك على وين وين الرجال اللي تشيل المهمّه كد النخل يا بنت مبطي وهالحين يهد حيل موسعين الاكمّه وأنتي على النخله صعدتي تكدين كسبٍ حلال .. وفيه خيرٍ تلمّه راعي الترف ياللي تناظر بعين الدهر شين لا تبين مطمّه حمد عبدالله الوايلي - حوطة سدير نشميةٍ ترقى توبر نخلها تذكر زمان الكد قبل العماله وزودٍ على هذا وتسني جملها تبحث عن العيشه وبيده لحاله واللي تبيّن جانبٍ من عملها عمل شريف اليوم من طيب فاله عبدالمحسن محمد المحيسن - رياض الخبراء النخله أم الخير في عبر الأزمان عطها وتعطيك الغذا وأبرك المال وقت الوبار إليا أنقضى يا أم سلمان عند الجداد التمر هاتيه بالحال بنت النشامى لاقتضت بعض الأحيان تمد ما تملك على كل الأحوال لها مواقف نارداتٍ .. لها شان تاريخها يعطي على ذلك أمثال سعود عائش الحربي - جدة تسلم يمين اللي تلقح نخلها هذي هي القرمة ولا به مثيله نشميةٍ يا طيبها في عملها أقول تسلم والله إنك أصيله تعمل بصبرٍ مادرت عن كللها أصيلةٍ يا طيبها من فصيله فلاحةٍ بالصدق محدٍ وصلها محدٍ يجي مثله وهمّه تشيله محمد عبدالعزيز الخنيفر - أشيقر شقيقة الفلاح في عصر الاجداد من طلع فحالاً تلقّح به نخيل ترقى البواسق ماخذت كر مسناد تكرب جذوع الحيش وجذ المحاصيل بشظف المعيشه ماتهنت بمرقاد بمكان راع الغرس بنت الرجاجيل ان قلت ربت بيت فبشر بالاسعاد وان قلت فلاح فتضمد زنابيل سعود عبدالعزيز الهزاع - نعام أنا أشهد إنك حرةٍ بنت فلاح متوارثه رقي النخل من قديمي عز الله ان أبوك يا بنت مرتاح مفتك من العامل وعايش نعيمي كم بنت فلاحه ومجهود وكفاح وكم سطر التاريخ فعلٍ عظيمي خالد ناصر المخيمر - روضة سدير اليوم غير وباكرٍ غير الشهم معروف بأفعاله نشميةٍ تشقى تبي تقدير ذي حرمةٍ ما به أمثاله شهمة وقرمة وفيها خير تشقى لصالح عياله وقتٍ تغير يبي تدبير الكل في دنيته داله ريان محمد الخنيفر - الرياض نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى: [email protected] ويا هلا.. صورة العدد السابق
