لو كل ضحكه للمسرات تعبير يا قل من يشكي غياب المسره ويا قل من صكت عليه المقادير كنه سجينٍ صار سجنه مقره ولو كل بسمه مالها أي تبرير غير الموده ما وجدنا مضره ولا صار في بعض العلاقات تغيير ومن يبتسم لك بسمته مستمره ولو كل صاحب بالرخا والمخاسير مع صاحبه للقلب والعين قره تلقى الوفي له بالمواقف جماهير ما يتركون اهل الوفا والمبره ولو كل دربٍ ما تحفه عواثير كلٍ وصل ما احتاج كره وفره عايض الميلبي