قمرى الفرح

لاتعتذر لي بالظروف وتقول وقتي ماسمح
لو جيت في بالك صحيح ماكان وقتك يمنعك
غنيت موال الحنين وصوت موالي صدح
مهما تنادي أو تصيح ماحولك أحد(ن) يسمعك
مليت طول الإنتظار والكيل ياالغالي طفح
أقسى الظروف تشتّتك وأنا إشتياقي يجمعك
في غيبتك ليلي عتيم مازارته قمرى الفرح
ولو ملني وجه الظلام ما مل صبحي مطلعك
يا كم ذكرتك من ليال والدمع من عيني نزح
ويا كم لصوتك من حنين ليتك تكلم وأسمعك
من قبل أعرفك مستريح ودنياي عايشها بمرح
واليوم تغزيني الهموم لا من تنثر مدمعك
ما طعت فيك اللايمه هذا عذول وذا نصح
مهما حكوا ما غيَّروا حب(ن) بقلبي يرفعك
وما عمر قلبي عن هواك يا كل غاياتي جنح
ومهما الدروب تباعدك ..أنا وشوقي نتبعك
تدري وش اللي زادني أحزآن ولروحي ذبح
إنك تغيب وما تحن وماخذ(ن) روحي معك
أحمد آل مفرح الشهري