اليوم أودع عام واستقبل العام

حمد الدعيج ( نديم كميت )
ترى السنين الماضيه مثل الأحلام
تقبل سريعه ثم ترحل سريعه
يا ما انتظرناها على الوعد قدام
ويا ما خذتنا في دروب الطبيعه
تبقى لنا ذكرى وذكرى مع أحلام
لا واعذابي من الجروح الفضيعه
يا الله عسانا نلحق العام بالعام
ونعيد ذكرى في ليال وليعه
الوقت يمضي والعمر يلهث انسام
لا واسفاب العمر ولى ربيعه
عطني من أعوام الصبا تسعة اعوام
وخذ من ليال الشيب عقد وتبيعه
يا زينها لافلّت العام الأعلام
وقامت تجاذب عبرة لي مطيعه
يا قلب يا اللي مضيقه خاطر (ن) حام
فوق الأماكن والأماكن مريعه
إن أقبلت دنياك والحظ لك قام
تلقى من أحلام الليالي رفيعه
وإن ادبرت دنياك بالحيل لوام
خلك من أحلام السنين الرضيعه
نبني أماني في دهاليز الأيام
وتهدم امانينا حياة القطيعه
يا ما خذانا الشوق أحلام وآلام
ويا ما خذانا الوقت لحظه فجيعه
يا حسرتي والحظ في طرقتي نام
ودع ليالينا بلحظه وجيعه
عزاه واويلاه قلبي معه هام
صار يتهمع في ليال هجيعه
الحزن يبرالي وأنا عنه عزام
أبي الرحيل ولا اسعفتني الوسيعه
ودعته الله والقدم ياحمد حام
بين الدروب الخادعات الخديعه
واليوم أودع عام واستقبل العام
وداعة الله يا السنين الوديعه