خلصت من حبك

ولاعندي خلاف
واليوم قلبي من هواك متعافي
يامتلفٍ روحي وخفاقي اتلاف
اللي وصلني منّك اليوم كافي
ماني على الماضي كثير التحساف
امشي طريقي مااحسب لانعطافي
اللي عطاك الود من قلب شفاف
مفروض يصبح لك معه قلب صافي
واللي عطاك امن الوفا زل ولحاف
واجب عليك تصون حبه وتافي
واللي يصير بهالزمن قلبه رهاف
ياكثر ماتضحك عليه الرهافي
قلبي وروحي والهوى كلها احلاف
من وين ماهبت يزيد التفافي
مريت بالدنيا على كل الاطياف
ماغيرت من وجهتي واختلافي
واللي خلق في هالبشر كل الاصناف
واللي لوجهه رهبتي وارتجافي
كرامتي أكبر من احباب وأولاف
لو جارو الأحباب عدت اصطفافي