واعذاب اللّي على الصبر له مدّه

صور شاعرية

واعذاب اللّي على الصبر له مدّه
يرجي المرسول ما جاب مردوده
مل مقعاده وصبره وصل حدّه
والمنافذ دون مقصده مسدوده
ضاعت الحيله وحظّه وِقَف ضدّه
والسبايب همزة الوصل مفقوده
كل ما قَرْب الفرج جاه من لدّه
كثرت الحسّاد والناس مقروده
ياعشيري وإن تماديت في الصدّه
حشمتك في داخل القلب ماجوده
مد حبل الوصل ياغايتي مِدّه
لاتضيّع حب قلبي ومجهوده
الجفا لو طال صرح الغلا هِدّه
صار حاله مثل نَبتٍ يبَس عوده
اختيار وتصوير – إبراهيم الجبر