خلك مع اللي..

ياللي تحسب الروح ماتت بفرقاك
لا تحسب انك بالهوى مبتليني
اعلم تراي اليوم صرت اتحداك
والقلب من حبك سمح مرتيني
غرك عذولاً قال لك ثم عصاك
يقول خله في غرامك سجيني
واقول انا لا تحسب اني بيمناك
اسير في كيفك على كل حيني
لوكان مثلي مغرم في حلاياك
ماهين نفسي للذي ما يبيني
اعز نفسي عن هوى مثل شرواك
والله لهجرك لواشوفك تجيني
وانا الذي قد عشت قبلك بلياك
واشيل حبك من فؤادي بيديني
لوشفتني با موت لا تسقني ماك
حبل الوصل مقطوع لا ترتجيني
خلك مع اللي بث سمه وقساك
مثلك عرفت انه على موجتيني