سلمان سيف العدل

سلمان وسط قلوبنا نستضيفه
بشغافها دايم لحِبه علايم
مدري وش اللي في وصوفه أضيفه
في الحق مايخشى ابدْ لوم لايم
سلمان سيف العدل والعدل سيفه
يلحِق بِكل المعتدين الهزايم
المجد له والنصر دايم حليفه
العاهل العادل قوي العزايم
حامي البقاع الطاهرات الشريفه
ولأِمُّة الاسلام عِزّ ودعايم
إمام دولة مالها أيّة وصيفه
متفرّده بالطيب والعزّ دايم
افضالها على الخلايق مريفه
ولِْجودها في كل بقعه علايم
ولمّا رأى الاوضاع جداً مخيفه
أبطل مخطط غَدر سود العمائم
قوم الملالي والعقول السخيفه
واذنابهم مْن الرجال الهلايم
وتبقى السعودية دواما منيفه
طير السعد في جوها دوم حايم
مبروك بن سالم بن ماضي