ما للهلالي غير صدر المنصات

ما للذهب ياكود نادي البطولات
وعليك مبروك الذهب والبطوله
وما للهلالي غير صدر المنصات
لامن غدا بالارض صوله وجوله
نادي الهلال اللي خذا المجد بإثبات
شرّف جماهيرة ولا حدٍ بحوله
كيان ما أوسس بكذب وخداعات
ولاغرٌه اللي طبلّت له طبوله
باللعب والمتعه وضبط المهارات
ياكم وياكم ناس غصب شهدوا له
انا فريقي حاز كل العلامات
هو البطل في كل صوله وجوله
انا هلالي ما التفت للخرافات
من واحدٍ ياخذ عليها عموله
ترتيبنا الاول بكل النزالات
لو غيرنا مازال جاري نزوله
واللي يجارينا على المجد هيهات
بعد اللقاء يمكن يغيّر ميوله
حتى قصيدي جاب أحلى العبارات
ولاجل الهلال نجيب عرضه وطوله