فرقا الغضي

ياحنو قلبي حنو جذع النخليا
اللي تلاعبه هبوب الرياحي
من اول وسط السواقي فحليا
واليوم راسه في سواقيه طاحي
من قلة الماء شفت جذعه نزليا
ما كنه الا من طوته الجراحي
هني منهو بالهوا ما دخليا
وعن لوعة الفرقا دله واستراحي
ياناس انا شفي من البيض (...)
اللي رضاها من سبايب نجاحي
(...) مدموج بطعم العسليا
ويا وجنة تاخذ سمات السماحي
ودي بشوفتها ولو في عجليا
واشم ريح في شذا المسك فاحي
قلبي على فرقا الغضي ما احتمليا
تطعنبه الاشواق طعن الرماحي
بغيابها ياناس ويش العمليا
راحت ولا ادري وش لزوم المراحي
وبرجوعها ياهل ترابه امليا
ولا على قول الوراعين باحي
تركي بن عيد الديحاني