ترى السنين شهور وأيام وأسبوع

والشاب شيّب واحتضن ذكرياته
مهما يطول الوقت قاصر ومقطوع
والخاسر اللي منغمس في امنياته
لا دين لا مبدأ ولا احساس متبوع
المال معبوده ورغبات ذاته
هذا الغبي لو يرتفع طاح موجوع
قولوا له ان الله لا شي فاته
يعرف نياته وكل شي مجموع
وقبل الممات يذوق ناتج سواته
من عاش بالحيلات بيموت مخدوع
تجيه نكبة تدمره في حياته
من الغنى يطلع إلى عيشة الجوع
ذله الله لين ساعة وفاته
مثل الرئيس اللي من الحكم مخلوع
الظلم شاله للفقر من غناته