لولا الأمل

محدٍ سواك أسهر عيوني ليالي
يا واقفٍ بين العيون وكراها
مشتاق لك بالحيل.. يا عز غالي
وأشواق نفسي لك.. بعيد مداها
ووين السعاده وين ذيك الليالي.؟
يا ليتها ترجع على معتداها
أشقيت قلبي وأنت داله وسالي
وعيني من أشواقي.. خطيرٍعماها
ويوم الهناء عيني تشوفك قبالي
تفز حالٍ شوقها لك براها
تعال بدّل مرّ الأيام حالي
نفسي كفاها.. اليوم مامنك جاها
وإن ما تهيت شوفتك وش بقى لي
في ذا الحياة اللي مخيفٍ دجاها
وباقي على ذكرى غرام مضالي
ولولا الأمل نفسي.. قدرها دعاها