يازين طلْعَه بالضحى والعصاري

صور شاعرية

يا زين طلْعَه بالضحى والعصاري
لامِن خشنات الْغلَب خيّشن له
هاذيك والله منوتي واختياري
لو كل من يطلب لزومٍ حصل له
لو إن حظّي مع مزاجي يباري
سجّلت له صفحة وفا بالمجلّه
مالي هدف بالسوق بايع وشاري
قلبي ذعاذيع الهوا ولّعَت له
أنا غرامي مع فجوج الصحاري
وشَوف الرّجوم النايفات المطّله
لاشفت بالرّيضات نقعُ وْخباري
راح الزعل والبَسط حل بْمحلّه
بأرضٍ بها للصيد عينه وأثاري
فيه القطا تلقى فروْقه محلّه
شعر - بدر عوّاد الحويفي