الحق من دونه سيوفٍ بواتير

الحمد للي قدر الكون تقدير
الخالق اللي بالخلايق رحومي
اللي يمشي الداب ويطيّر الطير
وحنا بحكمه حاكم ٍ ومحكومي
اللي كتب لبلادنا افضل الخير
يوم ان بعض الناس منه محرومي
ولّى عليها خيار رجال ٍ مغاوير
وحكم ٍ بشرع الله جعله يدومي
حكم ٍ بشرع الله ماذاقه الغير
خلّا المواطن ما يذوق الهمومي
عرف طريق الحق نص ٍ وتفسير
هذا طريق ٍ خاصّ وهذا عمومي
وان كان فيه لصوص ناس ٍ مخامير
الشعب ما له بالمشاكل لزومي
الحق من دونه سيوف ٍ بواتير
لا وصلت الاصباع لمس الخشومي
لابد ما يصخر على الحق تصخير
ومن طش نفسه بالخطا ما يقومي
اللي عليه ابليس ياخذ مشاوير
وعميله اللي بالمناديل يومي
منه ايتبرا ليا صدر فيه تقرير
وعن الصداقة ينفضون الهدومي
الناس فيها احرار وفيها عصافير
وكل ٍ على توجيه فكره يحومي