النصر فاله من يعاديه مقهور

للأرض دبابه .. وللجو طيار
ولليم غواصه وللبارجه طور
تنقل سهوم الموت قصاف الأعمار
وللزحف جيشٍ كله أساد ونمور
يقودهم راس الهرم رمز وشعار
من راس درع أم القرى ولاختها سور
طيبه وشمعة نجد مع خمس الاقطار
شعب الخليج اليعربي سِمت وسعور
مليكنا سلمان لا ولعت نار
النصر فاله من يعاديه مقهور
بإرادة اللي ما خفت عنه الأسرار
من فوق عرشه يدرج الكون ويدور
وشبل الأسد يسقي العِداء كأس الأمرار
يعيش رأسك يا ذرى مهبط النور
يا نايف الهمه ولد غيث الأمطار
سمي سيد صفوة الباب وصدور
المصطفىن أهل التقى روس الأبرار
محمد نبي الله وللحق ديجور
اسمك وريث اسمه وسِيمات الأخيار
لهم نصيبٍ بالتوافيق منصور
وزير حرب وبيدك السيف بتّار
مسلّطه ربي على الصم والعور
أهل القلوب السود عميان الأبصار
حزب الخبث بضعيف الكيد مثبور
إليا استدارت ينكس خلاف ويسار
ويسلّم اللي حظهم منه معثور
بشماله اللي غرّت الحوث وانهار
برج الورق في مثبر الهون منثور
وتسلم يمينك يا ذرى ست الأقطار
يا سيف حاكم دولة العز مشكور
بياض وجهك مصدر إلهام الأفكار
يا طيب الجدين شانيك مدحور