صوت الصورة

احجز على خطوط أبو نقّار
رحلتك في الجو مضمونه
شفوا جماله لامنه طار
شال ابن عرسٍ على متونه
راسه احيمر وله منقار
وجنحانه الخضر موزونه
عبدالعزيز الصالح - القصب
يا طير يا نقار وين انت رايح
حملت ولد العرس فوق الكتوفي
طاير على كيفك وفي الجو سايح
واللي رديف ما حصل فيه خوفي
وين الخشب انقر بغاب وفلايح
فيك الاخوة باينه للألوفي
هذا التعاون زين شغل الملايح
واللي تدين يلزمه يوم يوفي
عثمان إبراهيم الرشيد - الرياض
شوفوا التآلف بين طيرٍ وسنجاب
ذي موعظة يا ابن الأوادم مفيده
شيٍ نشوفه لافت انظار وإعجاب
واللي زرع للخير يجني حصيده
هذي دروس وافهموا العلم يا أصحاب
حيث العبر لأهل العقول الرشيده
ما يعمل الإنسان محفوظ بكتاب
واللي سعى للخير ربي يزيده
محمد عبدالعزيز الخنيفر - أشيقر
يا رب يا عاين المخلوق
سبحان من ذا بتدبيره
صورتك زينه وفيها ذوق
والفن صاير بتصويره
يا الله سحابه وفيها ابروق
تمطر على البر .. والديره
عبدالكريم عبدالرحمن السلّوم - القرائن
ابن عرس قام حظه يوم جاه الطير وشاله
ثم تجود طايرٍ به في سماه العالي
قال تكفى جاه الطير فازع ياحي فاله
والصديق يبين فعله واضحٍ يا هُمالالي
لؤلؤ الحربي- الرياض
وشلون شلت الضفدعه يا خضر الريش
من دون علمك راكبه فوق الامتان
ليا صرت طاير خل ممشاك بشويش
اللي نقلته ما خلق فيه جنحان
مافيه ولف بينكم صار تعشيش
ورطه من السحبل ماجت بحسبان
سعود عبدالعزيز الهزاع – نعام
يا طير يا محلق بين السماء والأرض
ياللي وهبك الله حسن .. وجمالي
يا من تجوب الكون بالطول والعرض
وقلبك ووجدانك من الهم سالي
فرضت نفسك بالغلا يالغلاء فرض
وفزعة فزعه مالها أول وتالي
شلت السنجاب فوق الظهر يومه مرض
ونزلته يا طير الغلاء خير منزالي
خالد ناصر المخيمر - روضة سدير
الطير يشفق على السنجاب ويشيله
أقول كيف الناس بالفعل مذهوله
لا واهنيه حامل الطير يا حليله
الآدمي ما يجي مثله ولا حوله
يا طير فعلك عظيم ولا به مثيله
لا واهني الطير كلٍ يقوله
رسالتي للبشر ذا اليوم توصيله
هذي رسايل على الأصحاب منقوله
ريان محمد الخنيفر
نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
أو الفاكس رقم: 0114871070
ويا هلا..
صورة العدد