مسافر وتارك بغيبتك تذكار

وتوادع.. وبسمتك فالوجه حارت
إيه ابتسم واترك لي الحزن مشوار
اترك مشاعر في محبتك ثارت
من حقك تحدد مصيرك و تختار
تتبع هواك ونفسك لوين سارت
تفارق برغبتك وتلوم الاقدار
وتجور بي وتقول دنياك جارت
ما يمنعك كفٍ على كفك انهار
ودموع حزنٍ عن عيونك توارت
وأنا وهبتك عمر واحتجتك اعمار
مشاعري بك عن سواك استجارت
ما افكّر بغيرك ولو صار ما صار
النفس عن غيرك عصت واستخارت
لك نور يفقد شمس هالكون الانوار
والارض من جرّة خطاويك غارت
الدار ما عادت بعد غيبتك دار
صارت ظلام و خوف.. لو استنارت
تعال شوف شصار في لون الازهار
و شوف الرياض بدونك شلون صارت
ليالها رهبة.. وسكّاتها اسوار
تقول من حزني عليك استعارت
ارجع لقلبٍ يعشقك موت ويغار
ارجع ترا ايام الفرح عنه دارت