جواب المشاعر

عدنا بعد صبر(ن)ٍ تعدى احتمالنا
وكأن الفراق اللي حصل ما جرالنا
عدنا بثبات وحب وأشواق دايمه
وعسى السعادة دايم الدوم فالنا
عدنا وكأن البعد...ما صار بيننا
يوم المشاعر جاوبت عن سؤالنا؟
ذقنا السعادة والمدامع توقفت
يوم الزمان المّر.. جاد وصفاء لنا
في يوم ميلاد الهوى زاد فرحنا
بأسعد خبر وأعلنت فيه إحتفالنا
شع الفرح من عيني وعين غايتي
واللي حسدنا العام ماله ومالنا
بعد انتظاري وإنتظاره تحققت
يوم الفرح حنّ ورحمنا وجالنا
يا شين فرقانا ويا مّر طعمها
ويا حلو جمعتنا وزين إتصالنا
اقسى تجاربنا نسينا فعولها
الليل يرحمنا ويرثي لحالنا
وصارت جروح الأمس تذكار وأختفت..
عنّا وشلنا الشوق والشوق شالنا