يا طير

يا طير قرناس لاهدوك في المقناص بعدين
لاعاد ترجع ترى رجعتك للبرقع مهونه
ذولا البشر يستغلون الحرار مع الشياهين
يبغونها تطرح الصيد السمين ويشتوونه
سموك حرٍ نداوي وانت من ضمن المساجين
لو إنهم صادقين، الحر مايستعبدونه
وشلون يستعبدونك وانت لك ريش وجناحين
تقدر تعلاّ وتاصل منزلٍ ماياصلونه
حرية الطير فوق النايفات من المزابين
قدام لا يطرحونه بالشبك ويبرقعونه
لا تحسب الناس مفتونه بلون الريش والعين
الطير لو ما يجيهم بالعشاء ما ينقلونه
لو أنها بالوصوف الحالية والمنظر الزين
كان القميري تحدى كل طيرٍ يذكرونه