سلطنة

ياقصيدي سلم راسك ولا أذكر شطبت
غير حسادٍ تنادت وطبت لذمها
كم سكنت ف قلب غادة ولاأظنك ذهبت
لين أينعت ف حشاها وسرت ف دمّها
ذبت فيها قل لهم ياقصيدي كيف ذبت
بين حراس الشفايف وحانة فمها
ارتكبت من المعاصي عدد ما أرتكبت
من محاسن ما قدرت أنحني وألمّها
ما استتاب الوقت ذنبي أنا اللي استتبت
كل شيٍ يبهج الناس وأنت أهمها
ما تجرّح فيك غيري دخيلك كيف طبت
وماتجرح في غير الحياة وهمها
ماكتبتك من يقيني ولكني كتبت
كل شك في حياتي نقص ما تمها
كم وهبتك للمدى ياجزالة ما وهبت
وكم حضنتك عن طعونٍ تجي وأضمها
إن كتبتك ليل جمعه تواروا يوم سبت
وإن تواروا قالت الأرض يالله فمها
لا خذيتك من مداهم ولا أذكر سلبت
-بيت واحد لا أبوها ولا أبو أمها