تغريدات

البخيل ان طال عمره في الحياه
مستحيل يقول ما بخدم بخيل
لو يطبقها يلومه من معاه
ولو تعداها تعدى المستحيل
هادي المنصوري
يطيب الملام ويسكن الصمت بين أحشاي
تغورق عيوني والجسد ضايق بثوبه
يا رب إمتلى جوفي ذنوب وثقل ممشاي
وأنا الخايف اللي يرجي العفو والتوبة
عبدالله البكر
يالله طلبتك يا كريم الجنّه
تغفر لعبدٍ حاصرته ذْنوبه
هذا فؤادي يا إلهي كنّه
طفل يْتعثر بالسنين بثوبه
احمد عايد البلوي
اللي يحقر الناس، ماهو من الناس
قليل شوف ونظرته ما تقدّيه
يطيح من كبّر على نفسه الراس
الراس لامنه كبر.. طشّ راعيه !!
عبدالله الحميدي