ماااات نايف

غابت الشمس .. وامست للضلوع ارجفه
والمحاجر بها غصة وعبرة رحيل
مات نايف .. ياصمتي من يسد خلفه
ذاك عطفه وحزمه ما يجي له مثيل
ليت لي دمع في كبر الحزن واذرفه
كان دمعي مثل وادي حنيفه يسيل
كان نبراس للامجاد والمعرفة
من شموخه تحدر كل خير(ن) فضيل
كان همه (هل السنه).. ويوم اعرفه
ياعسى جنة الفردوس رد الجميل
كم قدر فالمحافل للوطن شرفه
والله أنه حمل هم بسببنا ثقيل
موت نايف وهبنا درس ما نعرفه
هيبته عطرت موته سيوف وصهيل
دارنا دار ابو متعب حسّين الصفه
ان شكى واحد(ن) منا جسدنا عليل
عهدنا حافظينه والوفاء نقطفه
ونايف أخوان نورة جيل يسند لجيل
غاب نايف وجاء سلمان درب سلفه
وأحمد الحكمه اللي فالغتاري دليل
وابو الأيتام .. عينه من رضى يطرفه
البقاء بك يابو متعب وصبر(ن) جميل