وبعد ما مرت سنين هزني الشوق والحنين وانتظرتك في نفس المكان اللي أول مرة بالصدفة رايتك واحتريتك وتناثر العشق الدفين والوله أجبرني أجيك وما لقيتك.. والهوى يذبح قلوب وعاشقين ومين يداري العشق ياللي بروحي فديتك والأيام مضت في حزن وأنين وعمري ما في لحظة نسيتك والعيون تتخيلك في كل لحظة وحين والأهداب ما ارمشت إلا لي اذكروا اسمك وصيتك يالمسافر عن جفوني ما ترحم مغرم حزين أتعبه الشوق ومنيته يسمع كلمة هويتك طفت هالعالم وعهدي لعهدك رهين وما سهرت ليلة وسهيتك ياحبي الماضي أنا وين وانت وين تعال اقرب مني بغيتك الدمع احتبس بين الهموم والأحلام اتبخرت في الغيوم وياريتك ترجع لي ياريتك والمشاعر ضايعة فوق الضباب متى تعود وتشعل شمعة الأمل في بيتك ولو نسيت كل هالعالم والناس والفتون لا تظن إني سليتك وأنا الظمآن في بحر الهوى والكل من حولي ارتوى لأني من وجداني رويتك إنت الجرح وإنت الدوا وأعلنت عليك الغرام بترجع نويتك
